Martin Odegaard është norvegjezi i cili dikur konsiderohej si e ardhmja e futbollit.
Djaloshi i cili mendohej se kishte botën në këmbët e tij asokohe tërhoqi vëmendjen e Real Madrid, me të cilët nënshkroi një kontratë të majme.
Megjithatë, djaloshi sikurse humbi në ‘Santiago Bernabeu’ dhe asnjëherë nuk mundi ta shfaqte potencialin e tij.
Tashmë, ai i është ofruar skuadrës së Ajax, ku pritet të luaj si i huazuar sezonin e ardhshëm, shkruan ‘AS’.
Aktualisht ai është i huazuar tek skuadra e Vitesse, dhe nuk duket sikur do të bëjë vendin e tij në skuadrën e parë të Real Madrid.
Odegaard nuk e di akoma se ku do ta kalojë sezonin e ardhshëm, deri sa skuadra e tij të vendos për të.