Vashat e Kosovës humbin nga Hungaria 

Futboll

Vashat e Kosovës humbin nga Hungaria 

Më: 5 mars 2019 Në ora: 18:20
Vashat e Kosovës humbin nga Hungaria 

Para ndeshjes së fundit të turneut ndërkombëtar për femra që po zhvillohet në Side të Antalyas kundër Hungarisë, sekretari i përgjithshëm, Eroll Salihu, i cili po merr pjesë në punimet e Mitingut të UEFA-s, ku po diskutohet rreth strategjisë së zhvillimit të federatave sportive, e vizitoi ekipin kombëtar dhe me këtë rast shprehu edhe njëherë gatishmërinë e FFK-së për ta ndihmuar zhvillimin e futbollit të femrave. E kemi ndër prioritet kryesore zhvillimin e ekipeve kombëtare. “Ju në ndeshjen e kaluar kundër Polonisë treguat lojë të mirë dhe dëshmuat karakter dhe dashuri për fanellën e Kosovës. Është nder e krenari për juve që të bartni fanellën e shtetit të Kosovës dhe rezultatet nuk duhet të ju dekurajojnë por të luftoni deri në fund në çdo ndeshje”, ka theksuar Salihu.

Ndeshja përmbyllëse e turneut ndërkombëtar për femra që u zhvillua në Side të Antalyas për grup-moshën 19 vjeç, u zhvillua sot dhe vashat e Kosovës humbën nga Hungaria me rezultat 0:4. Ishte kjo paraqitja më e mirë e vajzave tona në tri ndeshje sa u zhvilluan në këtë turne, por mungesa e përgatitjes fizike dhe e përvojës bëri që hungarezet të shënojnë fitore, ekip ky që veçse është kualifikuar për rrethin elitë dhe do të jetë në grup me Kosovën edhe në kualifikimet që do të mbahen në tetor për Kampionatin evropian. Duhet theksuar se Kosova në këtë turne u paraqit me një moshë më të re se sa ekipet kundërshtare që ishin pjesëmarrëse të këtij turneu. Ky turne do t’i shërbejë Shtabit teknik të Kombëtares U19 të gjejë dhe të rrisë formën e ekipit dhe individeve një për një dhe të përgatitet sa më mirë për kualifikimet e tetorit. 

Kushtrim Munishi, përzgjedhës, tha: Me këtë ndeshje kundër Hungarisë e përmbyllëm turneun disaditorë, nga i cili përfituam të shohim gjendjen e ekipit, ndonëse kishim edhe shumë mungesa të futbollisteve që janë të kësaj grupmoshe. E kemi ditur që kundërshtarët janë të forta, të tria ekipet janë kualifikuar për rrethin elitë, por neve më shumë na ka interesuar të shohim gjendjen dhe përformacën e futbollisteve, që të nxjerrim mësimet dhe të shohim çka na duhet e ku na nevojitet me prioritet të përmirësojmë në ekip dhe të përgatitemi sa më mirë për kualifikimet e tetorit. Këto vajza mendojë se fituan edhe një përvojë të mirë.

Sot mund të lexoni Shfletoni kopertinat