Asnjë shkelm dhe foto, ja kushtet absurde për të parë Messin në fushë për 60 minuta

Futboll

Asnjë shkelm dhe foto, ja kushtet absurde për të parë Messin në fushë për 60 minuta

Më: 6 mars 2019 Në ora: 00:48
Lionel Messi

Pas 7 muajsh pushim Lionel Messi do të rikthehet në kombëtaren e Argjentinës. Ai do të grumbullohet nga trajneri Scaloni për dy ndeshjet miqësore që Argjentina do të zhvillojë më 23 dhe 26 mars, respektivisht ndaj Venezuelës dhe Marokut. Sot janë bërë publike detajet e marrëveshjes mes Federatës Argjentinase të Futbollit dhe asaj të Marokut.

Sipas të përditshmes arabe “Al Akhbar”, lojtarët e kombëtares afrikane e kanë të ndaluar që të mbulojnë në mënyrë të ashpër Messin apo ta godasin me shkelm atë në momentin që do të jetë në zotërim të topit. Gjithashtu, asnjë lojtar i Marokut nuk do të lejohet që të dalë në fotografi me “pleshtin” pas ndeshjes miqësore.

Kjo gjë vlen si për lojtarët ashtu dhe tifozët. Enigmë mbetet emri i hotelit ku do të akomodohet kombëtarja e Argjentinës, për të evituar turma njerëzish pranë saj. Në këmbim të këtyre masave, trajneri Scaloni do të aktivizojë Messin për të paktën 60 minuta. Ndeshja miqësore do të zhvillohet në qytetin e Rabbat, në stadiumin “Prince Mila Abdulla”, me një kapacitet prej 60 mijë vendesh.

commentFirst article
Sot mund të lexoni Shfletoni kopertinat