Ancelotti: Po të isha trajner i PSG, do të hidhesha nga ura pas eliminimit… - Bota Sot
Ancelotti: Po të isha trajner i PSG, do të hidhesha nga ura pas eliminimit…

Futboll

Ancelotti: Po të isha trajner i PSG, do të hidhesha nga ura pas eliminimit…

Më: 8 mars 2019 Në ora: 10:21
Carlo Ancelotti

Carlo Ancelotti tha se do të ishte larguar, nëse do të kishte përgjegjësinë e trajnerit të PSG, pas kapitullimit në Ligën e Kampionëve. Kampionët e Ligue 1 shpërdoruan avantazhin e ndeshjes së parë, 2-0, pasi u mundën 3-1 në kthim dhe u eliminuan nga Manchester United në raundin e dytë të Champions-it. 

I pyetur për eliminimin e parizienëve, që i ka drejtuar më parë, Ancelotti shprehu habinë e tij: "Ishte e pabesueshme. Po të kisha qenë në stolin e PSG, nuk e di se çfarë do të kisha bërë, ndoshta do të gjeja urën më të afërt dhe do të hidhesha poshtë".

Ancelotti u shpreh kështu pas fitores 3-0 të Napolit ndaj Red Bull Salzburg, në ndeshjen e parë çerekfinale të “Europa League”, të enjten. Arkadiusz Milik, Fabian Ruiz dhe një autogol i Jerome Onguene e vënë Napolin në kontroll të plotë të këtij ballafaqimi, edhe pse dueti i qendrës së mbrojtjes, Kalidou Koulibaly dhe Nikola Maksimovic, do të humbasin ndeshjen e kthimit, për shkak të pezullimit.

Ancelotti tha: "Nuk jam i shqetësuar për mungesën e tyre, pasi kemi qendra të tjera të besueshme. Më tepër më preokupon mungesa e ekuilibrit në fazat finale. Është një rezultat i mirë, kemi ende 90 minuta për të luajtur dhe nuk mund të bëjmë llogari. Ne i bëmë disa gjëra mirë, disa jo dhe aq mirë, ndaj duhet të punojmë për to”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...