Ole Gunnar Solskjaer e ka konfirmuar se kontrata e tij me ekipin norvegjez Molde është grisur, ndërsa ai është një hap me afër drejt konfirmimit si trajner i United.
Solskjaer u emërua si trajner i përkohshëm deri në përfundim të këtij sezoni, por rezultatet e jashtëzakonshme duke ngjitur “djajtë” në vendin e katërt në kampionat, si dhe kualifikimi në çerekfinale të Ligës së Kampionëve dhe Kupës së Anglisë, kanë bindur drejtuesit t’i japin kontratën.
Tashmë kjo është edhe më e besueshme pasi kontrata që e lidhte Solskjaer me ekipin Molde është zgjidhur dhe norvegjezi tashmë e ka rrugën e hapur të firmosë kontratë me United.
Të dielën, United luan ndaj Arsenalit në ndeshjen e vlefshme për kampionatin anglez.