Juventus thjeshtë nuk ka të ndalur në kampionatin italian, Serie A.
‘Zonja e vjetër’ ka shënuar fitoren e radhës kundër Udinese, me rezultatin 4:1.
Rezervistët e Massimiliano Allegrit treguan vetën duke mos i dhënë shans kundërshtarit dhe duke marrë tri pikët e radhës për kampionët në fuqi.
Serinë e golave e hapi Moise Kean, i cili në minutën e 11’ shënoi për golin e parë të ‘biankonerëve’.
Në minutën e 39’ ishte përsëri i riu Kean i cili dyfishoi epërsinë me një gol tejet të bukur.
Në pjesën e dytë, Emre Can nga pika e bardhë (67’) dhe Blaise Matuidi në minutën e 71’ vulosën fitoren e Juventus.
Golin e nderit për mysafirët e realizoi Kevin Lasagna, kur po luhej minuta e 84 e këtij takimi.
Me këtë fitore Juventus numëron 75 pikë pas 27 xhirove, duke u shkëputur me 19 pikë në krye të tabelës.