Tottenham Hotspur i është bashkuar garës për të siguruar shërbimet e yllit nga Serie A.
Federico Chiesa, i cili luan me Fiorentinën, është lojtari që po kërkohet nga shumë skuadra të mëdha evropiane.
“The Sun” raporton se trajneri i Tottenham, Mauricio Pochettino, është i fundit që ka thënë se dëshiron 21 vjeçarin në klubin e tij.
Në garë për lojtarin qysh moti është edhe skuadra e Milanos, por edhe ajo e Juventus dhe Inter.
Tottenham sigurisht se përveç për ta bindur lojtarin, do të kenë punë mjaft të vështirë edhe në përballjen financiare me skuadrat e lartpërmendura.
Secila nga skuadrat do duhej të ofronin nga 75 milionë euro minimumi, për të siguruar shërbimet e italianit të ri.
