Sulmuesi brazilian Philippe Coutinho ka përfunduar sërish në qendër të kritikave nga tifozët e Barcelonës, që vazhdojnë ta vërshëllejnë sa herë që zbret në fushë. Ndaj, lamtumira e tij nga skuadra “blaugrana” duket e paevitueshme në fund të këtij sezoni. Lojtari u ble nga Liverpool për shumën 145 milionë euro në janar të 2018-ës, por me fanellën katalanase 28-vjeçari nuk shkëlqeu asnjëherë.
Sipas “Daily Star”, Coutinho do të rikthehet në Premir League sezonin tjetër, por nuk do të jetë ish-skuadra e tij e Liverpool shtëpia e ardhshme. Ka qenë vetë braziliani ai që i ka kërkuar menaxherit të tij se dëshiron të transfertohet te skuadra e Manchester United. Coutinho dëshiron të luajë në stadiumin “Old Trafford”, siç njihet ndryshe “teatrin e ëndrrave”.
Me ardhjen e holandezit Frenkie De Jong pakësohen edhe më shumë hapësirat që Coutinho të luajë si titullar sezonin tjetër, ndaj transferimi i tij është i pashmangshëm. Do të shihet vetëm se cila skuadër do të paguajë më shumë për të. United kanë shfaqur hera-herës dëshirën për të marrë sulmuesin e talentuar, për të cilin janë gati të pagujnë deri në 100 milionë euro. Braziliani mund të bëhet organizatori për të cilin trajneri Solskjaer ka kaq shumë nevojë.
