Spalletti: Nuk flas për Icardin

Futboll

Spalletti: Nuk flas për Icardin

Më: 10 mars 2019 Në ora: 18:58
Spalletti: Nuk flas për Icardin

Trajneri i Inter-t, Luciano Spalletti, ka folur për "Sky Sport" në lidhje me fitoren 2:0 të marrë nga skuadra e tij kundër Spal-it: "Në pjesën e parë duhet të kishim luajtur më mirë, në të dytën kemi luajtur me më shumë besim në vetvete. E patë Gagliardini-n pas goli? Dukej një lojtar tjetër. Gjithsesi, nuk është e mundur të shikohet një pjesë e parë si ajo që kemi parë sot", ka thënë trajneri i zikaltërve. 

Në lidhje me Icardi-n: "Nuk flas për Icardin, sepse gjithçka që them transmetohet ndryshe. Ne kemi një objektiv të përbashkët që është fitorja dhe për ta arritur nuk është e thënë të jemi miq, por duhet të jemi të bashkuar. Janë fitoret që përcaktojnë nëse ti mund të jesh një futbollist i Inter-it".  

Për golin e Politano-s: "Ai është pozicioni ku duhet të luajë dhe jo 150 metra larg portës. Ka bërë një gol të bukur, ashtu si Gagliardini. Edhe Lautaro ka luajtur shumë mirë. Skuadra ime më ka pëlqyer shumë në pjesën e dytë", ka përfunduar Spalletti.

Sot mund të lexoni Shfletoni kopertinat