Trajneri i Manchester Cityt, Pep Guardiola thotë se ekipi i tij janë adoleshentë në Ligën e Kampionëve, ndërsa ata po përgatiten për ndeshjen e dytë ndaj Schalkes.
Manchester City takohet me Schalken të martën me fillim nga ora 21:00 në ‘Etihad’.
“Ne nuk mund të mohojmë se ekipet e tjera janë më të forta,” tha Guardiola.
“Duhet të ëndërroni, të tregoni sa më shumë të jetë e mundur dhe në të njëjtën kohë të pranoni që ka edhe ekipe të tjera që mendojnë të njëjtën gjë”.
“Njerëzit thonë se është e lehtë, imagjinoni të futeni në tetë ekipet më të mira në Evropë? Sigurisht që ne duam ta fitojmë, por edhe ekipet e tjera kanë këtë dëshirë”, përfundoi Guardiola.
