Nëse dikujt duhet t’i mbetet hatri pa dyshim është ish futbollisti i mirënjohur Kujtim Shala, që i takon gjeneratës së artë të Prishtinës, kur kishte kapiten Fadil Vokrrin, që djali i tij, Andisi, nuk u ftua as në kombëtaren e Shqipërisë dhe as të Kosovës, në kohën kur ishte në formën më të mirë, sidomos kur luante (2008-2011) në ekipin skocez Dundee United (atëkohë garonte në elitën skoceze). Djalit të tij kurrë nuk iu hap dera nga askush edhe atëherë kur e meritonte!
Kujtim Shala është përmbajtur që një kohë të gjatë dhe nuk ka hedhur ndonjë bombë sportive në drejtim të askujt. Po e hodhi bombën sportive Kujtim Shala, gjithsesi se dikush do të skuqet e turpërohet keq! Një ditë Kujtim Shala do të dal me akuza të rënda, sepse do t’i soset durimi, pasi që nuk u përfill e nuk respektua si emër i madh! "Bomba" gati sa nuk ka shpëthyer dhe vetëm një Zot e di se kush do të atakohet!
