Sulmuesi i kombëtares së Kosovës, Vedat Muriqi, bëri shoun në elitën e futbollit turk. Muriqi shënoi dhe asistoi në fitoren e Rizesporit si mysafirë me rezultat 2:0 kundër Konyasporit, në ndeshjen e javës së 26-të. Në minutën e 2-të, Muriqi përballë portierit dhe me gjakftohtësi shënon për 0:1.
Në minutën e 68-të, Muriqi mashtron disa lojtarë vendas dhe për bukuri asistoi për Samudion, i cili edhe thellon fitoren në 0:2.
Muriqi u paraqit i plotë dhe ka qenë lojtar i ndeshjes për Rizesporin, kurse Leonard Zhuta luajti titullar për Konyasporin. Pas 26 jave Konyaspor është në pozitën e pestë me 35 pikë, një më shumë se Rizespor në vend të gjashtë. Me një fjalë, Muriqi me lojë çmendi tifozët turq në stadiumin “Buyuksehir Belediye” në Konya.
