Llapi ka barazuar 1:1 me Ballkanin në “Zahir Pajaziti” dhe kjo mund t’i kushtojë shtrenjtë në luftë për titullin e kampionit.
Trajneri, Xhengis Rexhepi, është shprehur i pakënaqur me rezultatin, ndërsa ka befasuar me vlerësimin për lojën që treguan futbollistët e tij, duke theksuar se ishte më e mira që nga ardhja e tij te Llapi.
“Kemi bërë të gjitha që një ekip futbolli duhet t’i bëjë në fushë për të fituar një ndeshje. Një gabim i vogël në fillim na kushtoi shumë”, deklaroi Rexhepi.
Më tej ai potencoi se merr përgjegjësinë e plotë për këtë barazim dhe thuri elozhe për futbollistët e tij.
“E dominuam ndeshjen, krijuam raste ndaj një ekipi të mirë si Ballkani, por nuk arritëm të shënojmë më shumë gola. Unë i falënderoj futbollistët për këtë paraqitje që ishte më e mira e këtij stinori. Fajtor për këtë barazim jam unë. Mirëpo, ne nuk do të ndalemi sepse futbolli i njeh edhe këto gabime”, shtoi ai.
Llapi renditet në pozitën e dytë me 48 pikë, 4 më pak se Feronikeli që e kryeson renditjen dhe një më shumë se Prishtina, por që këto dy skuadra e kanë nga një ndeshje më pak të zhvilluar.
