Liverpool ka mposhtur Fulhamin me rezultatin 1-2, në ndeshjen e zhvilluar në kuadër të xhiros së 31’të të Premierligës.
Mane shënoi pas një super aksioni të Liverpoolit, ndërsa Babel barazoi shifrat në minutën e 74’të, pas një gabimi të Van Dijk dhe Alisson.
Liverpool nuk u dorëzua dhe gjashtë minuta më vonë shënuan për 1-2, falë golit të Milner nga penalltia.
Van Dijk pranoi gabimin që ka bërë, por u shpreh i lumtur për tre pikët e fituara në këtë sfidë.
“Unë nuk po jap justifikime, duhet ta kontrolloja situatën më mirë, por shënuam më pas dhe u rikthyem në vendin e parë”, tha Van Dijk.
“Ne e dinim se do të ishte e vështirë, por ia vështirësuam edhe më shumë punën vetës, pasi nuk ishim të qetë në fushë, por kemi fituar tri pikë dhe tani mund të përqendrohemi tek kombëtaret tona”, përfundoi ai.
