Në Danimarkë janë të befasuar me barazimin e kombëtares së tyre në ‘Fadil Vokrri’, por pranojnë se Kosova e meritoi këtë rezultat falë paraqitjes shumë të mirë.
‘Dardanët’ kanë dhënë sinjal që janë gati për ndeshjen kualifikuese për Euro 2020, duke barazuar 2:2 me Danimarkën në ndeshje miqësore në Prishtinë.
Mediet në Danimarkë shkruajnë se kombëtarja e tyre me golin në minutën e 90’, i shpëtoi turpit.
“Mirë, shmangëm poshtërimin”, shkruan ekstrabladet.dk, një nga mediet më të mëdha në Danimarkë.
Në anën tjetër, dr.dk shkruan: Dardanët” ishin gati të na shkaktonin humbjen e parë pas 25 ndeshjeve të fundit të udhëhequr nga Age Hereide.
