Skuadra e Romës për kundërshtar të radhës në Serie A do të ketë skuadrën e Napolit.
Para kësaj ndeshje që do të jetë shumë e rëndësishme për luftën e top katërshes në Serie A, Claudio Ranieri ka pranuar një lajm shumë të keq.
Ylli i skuadrës nga kryeqyteti i Italisë, Alessandro Florenzi, do t’i mungojë skuadrës së tij, si pasojë e një dëmtimi.
Florenzi është liruar edhe nga stërvitjet me Italinë, ku po përgatitej për ndeshjet e eliminatoreve për kampionatin evropian 2020.
Mbrojtësi i djathtë është i dyti që largohet nga kampi i Italisë, pasi Federico Chiesa ishte kthyer në Fiorentina të enjten.
