Jorge Sampaoli njeri me zemër të madhe. Trajneri i Santos ka hequr dorë nga paga e tij.
Gjatë konferencës për shtyp 59-vjeçari u ka dërguar sinjale solidariteti lojtarëve të tij që prej dy muajsh nuk paguhen për shkak të proplemeve financiare që po kalon klubi. Sampaoli deklaroi se Santos është një klub me një histori të madhe dhe se të gjithë në skuadër duhet të jenë në lartësinë e duhur për ta çuar përpara ekipin e Santos.
Ai thesksoi se stafi teknik e ka marrë pagën në mënyrë korrekte çdo muaj, por të gjithë kanë vendosur ta rikthejnë atë duke pare situatën e vështirë në të cilën ndodhet klubi. Sampaoli u shpreh i bindur se çdo njeri në vendin e tyre do të kishte vepruar njësoj.
