Cristiano Ronaldo iu është nënshtruar testeve mjekësore për shkak të dëmtimit që pësoi në ndeshjen mes Portugalisë dhe Serbisë për kualifikueset e Euro 2020.
Rezultati i buletinit mjekësor i publikuar nga Juventusi tregon se portugezi vuan nga një tërheqje e lehtë muskulorë në kofshën e djathtë. Nuk është përcaktuar ende një datë fikse për rikthimin e tij, sepse gjendja do të monitorohet ditë pas dite.
Gjithsesi “Sky Sport” bën me dije se 34-vjeçari do të qëndrojë detyrimisht pushim për dy ndeshjet e Serie A, atë ndaj Empoli dhe ndaj Cagliari. Ndërkohë që më 6 prill është sfida me Milanin, që është në dyshim sipas medies italiane, por me të gjitha gjasat edhe për këtë ndeshje Ronaldo do të qëndrojë pushim.