Sarri i mori punën te Chelsea, Conte hakmerret duke i zënë vendin në Serinë A - Bota Sot
Sarri i mori punën te Chelsea, Conte hakmerret duke i zënë vendin në Serinë A

Futboll

Sarri i mori punën te Chelsea, Conte hakmerret duke i zënë vendin në Serinë A

Më: 27 mars 2019 Në ora: 23:54
Sarri, Conte

Antonio Conte mund të jetë trajneri i ardhshëm i Romës. Sipas të përditshmes italiane “Corriere Della Sera”, presidenti i Romës, James Pallotta e konsideron ish-trajnerin e Chelsea dhe të kombëtares “azzurre” si ideal për stolin e ekipit verdhekuq.

Madje mësohet se presidenti Pallotta ka kontaktuar me ish-trajnerin e Chelsea, pa ekip që kur u shkarkua verën e kaluar, duke i lënë vendin Maurizio Sarri. Ky i fundit u përfol se do të jetë trajneri i ardhshëm i Romës në rast se shkarkohet nga Chelsea, por nuk është kështu.

Duket se Pallotta ka të tjera plane për Romën dhe synon t’ia ofrojë detyrën  trajnerit Antonio Conte. Ky i fundit synon të rikthehet në Serinë A dhe ekipi kryeqytetas do të ishte një alternativë e mirë për të ardhmen.

Gjithsesi, për Conte janë interesuar edhe Inter e Juventus, ndaj për Pallotta nuk ka për të qenë aspak e lehtë për të marrë trajnerin. Sarri mbetet alternativa e dytë për stolin e Romës, me Conte që për momentin duket në “pole” për të drejtuar skuadrës kryeqytetase.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...