Kampioni në fuqi, Shkëndija nga Tetova, fiton tri të mëdha dhe përforcon edhe më shumë pozitën e parë në Kampionatin e Maqedonisë Veriore.
Skuadra shqiptare u kthye me tri pikë domethënëse nga Kratova, duke i shkaktuar humbje të thellë me rezultat 3:0 Sileksit, në ndeshjen e javës së 24-të. Në minutën e 25-të, Filip Milenkovski shënon autogol për epërsinë e kuqezinjve, ndërsa në periudhën e dytë të lojës Sileksi ndëshkohet edhe dy herë nga tetovarët. Në minutën e 66-të, Agim Ibraimi realizoj për 0:2 dhe Visar Musliu vulosi fitoren 0:3 pikërisht në minutën e 87-të.
Kryetrajneri Qatip Osmani është krenarë për tri pikët që importuan dhe po shkojnë drejt mbrojtjes së titullit të kampionit. Shkëndija kryeson me 53 pikë, ka tetë më shumë se Vardari në pozitën e dytë, kurse Sileksi është në vend të tetë me 24. Skuadra tjetër shqiptare, Renova nga Xhepçishti i Tetovës bëri lojë shumë të mirë dhe në konak të vet ndali tri pikë shumë të vlefshme, kështu që shton gjasat edhe më shumë për të siguruar një vend në garat evropiane. Renova triumfoi me rezultat 3:2 kundër Bellasicës nga Strumica. Për Renovën shënuan: Bojan Miovski (8’), Emran Ramadani (31’) e Muhamed Useini (75’) dhe Martin Mircevski (31’) e Dushan Saviq (90+1’). Renova është në vend të katërt me 33 pikë, sa ka edhe Shkupi në pozitën e pestë dhe Bellasica është e parafundit (i nënti) me 19 sosh.
Kampionati i Maqedonisë Veriore
Shkupi- Makedonija GP 0:1
Rabotniçki-Vardari 0:2
Renova-Bellasica 3:2
Sileksi-Shkëndija 0:3
Tabela
1. Shkëndija 24 16 5 3 53
2. Vardari 24 13 6 5 45
3. A. Pandev 23 13 3 7 42
4. Renova 24 8 9 7 33
5. Shkupi 24 9 6 9 33
6. Rabotniçki 24 9 4 11 31
7. Makedonija GP 24 7 8 9 29
8. Sileksi 24 5 9 10 24
9. Bellasica 24 4 7 13 19
10. Pobeda 23 5 3 15 18
