Neymar ka kohë që nuk zbret në fushë, për shkak të një dëmtimi në këmbë që e ka lënë jashtë prej janarit, ndaj gjen mënyra të ndryshme për t'u argëtuar dhe për të qenë në qendër të vëmendjes.
Ylli brazilian ka çmendur internetin në orët e fundit, por jo për mënyrën si luan, sepse meritën e kanë... tatuazhet!
I kthyer në Paris për të vazhduar me procesin e riaftësimit, Neymar ka paguar shpenzimet në mënyrë që nga Brazili të shkonin në Paris tatuazhistët e tij, të cilëve u ka besuar një punë spektakolare.
Rezultati është publikuar në Instagram: dy tatuazhe për kampionin e PSG-së, më i madhi një shqiponjë në gjoks, e cila sheh një fushë futbolli, ndërsa pranë saj shkruhen disa fraza në gjuhën portugeze.
Tatuazhi tjetër është në këmbë, ku Neymar tashmë ka një autobus legjendar të Volkswagen.