Kapiteni legjendar, Burim Zhjeqi, është rikthyer te KF Llapi, por jo për të luajtur – por për t’u bërë pjesë e shtabit teknik të klubit.
Lajmi është konfirmuar nga klubi llapjan përmes një njoftimi në llogarinë zyrtare në Facebook.
Llapi shkruan se Zhjeqi do jetë ndihmesë e madhe e klubit për pjesën e mbetur të kampionatit dhe do të ketë rolin e ndihmës-trajnerit.
Llapi është duke luftuar për titullin kampion së bashku me Feronikelin dhe Prishtinën.
Feronikeli është ajo që prin me 56 pikë, Prishtina e dyta me 53 dhe Llapi në pozitën e tretë me 51.
Njoftimi i Llapit:
Zyrtare: Rikthehet kapiteni legjendar Burim Zhjeqi tek KF Llapi
Nga sot Burim Zhjeqi (ish-kapiten dhe futbollist i Llapit) do jetë pjesë e shtabit teknik të klubit.
Burim Zhjeqi do jetë ndihmesë e madhe e klubit në vazhdën e kampionatit në rolin e ndihmës-trajnerit.