Shkëndija nga Tetova, kampione në fuqi dhe lidere e Kampionatit të Maqedonisë Veriore në futboll, kthehet me tri pikë domethënëse nga Strumica, duke e mundur me rezultat 1:0 Akademija Pandevin, në derbin e javës së 26-të. Shkëndija me hapa të sigurt po shkon drejt titullit të ri, kurse Akademija humb pozitën e dytë.
Mbrojtësi Visar Musliu vulosi fitoren në minutën e 30-të. Ai ka shfrytëzuar një asistim nga krahu i djathtë dhe nga pika e penalltisë me kokë dërgoi topin në rrjetën e vendësve. Shkëndija prinë me 59 pikë, ka 14 më shumë se Akademija Pandev në pozitën e tretë, kurse Vardari është në vend të dytë me 40 sosh.
Ndërkaq, në Tetovë Renova triumfoi me rezultat minimal 1:0 në duel me Shkupin, në fakt ka qenë edhe derbi shqiptar. Në minutën e 45-të, Vlatko Stojanovski realizon për fitoren e Renovës. Ndeshja ka qenë mjaft e mirë dhe e luftuar deri në fund mes dy skuadrave që luftojnë për pozitën e katërt. Renova renditet në vend të katërt me 36 pikë, ka tri më shumë se Shkupi që gjendet një pozitë më poshtë.
Liga e Maqedonisë Veriore
A. Pandev-Shkëndija 0:1
Pobeda-Vardari 0:0
Rabotniçki-Bellasica 1:1
Renova-Shkupi 1:1
Sileksi-Makedonija GP 1:1
Tabela
1. Shkëndija 26 18 5 3 59
2. Vardari 26 14 7 5 49
3. A. Pandev 25 14 3 8 45
4. Renova 26 9 9 8 36
5. Shkupi 26 9 6 11 33
6. Rabotniçki 26 9 6 11 33
7. Makedonija GP 26 7 10 9 31
8. Sileksi 26 5 10 11 25
9. Bellasica 26 5 8 13 23
10. Pobeda 25 5 4 16 19
