Historia është e dhimbshme e popullit shqiptar të Kosovës. Vitet e 90-ta ishin vitet më trishtuese, ku u përjashtuan shqiptarët nga puna, u dëbuan nga shkollat dhe Universiteti, u përzunë nga stadiumet dhe objektet sportive.
Okupatori serb nuk la gjë pa bërë, por nuk arriti t’i ndal shqiptarët drejt realizimit të shtetësisë së Kosovës. Në vitin 1993-1994 Prishtina u stolis me Kupën e Kosovës. Prishtina me shumë futbollist të njohur luante në livadhe dhe gjithnjë të përndjekur, e kërcënuar nga okupatori serb.
Jo vetëm Prishtina, por të gjitha klubet sportive u përndoqën dhe u kërcënuan, u rrahën nga regjimi kriminal serb. Në foton e vitit 1993-94, në këmbë Fehmi Bajrami, Ahmet Beselica, Qazim Humolli, Abdullah Rafuna, Afrim Tovërlani dhe Fadil Berisha. Ulur: Burim Berisha, Muharrem Sahiti, Suad Keçi, Mustafë Latifi dhe Arsim Durmishi.