Skuadra e Milanos ka bërë edhe një tjetër hap fals në garën e ashpër për një vend në top katërshe.
Për ndeshjen e tretë me radhë, skuadra nga ‘San Siro’ dështoi të merrte tri pikë në Serie A, duke u mposhtur sot nga Juventus, me rezultatin 2:1.
Edhe pse kishin avantazhin, ‘Rosonerët’ u mposhtën, dhe sipas Gattusos kjo erdhi falë gabimeve të tyre.
“Kemi pasur paraqitjen më të mirë në vitin 2019, por humbëm ndeshjen në 15-20 minutat e fundit. Jo pse Juventus bëri mirë, por sepse ne gabuam” ka thënë Gattuso.
“Këto gjëra mund të ndodhin nëse luan futbollin e njëjtë sikur ne” ka shtuar tutje trajneri italian, pa dashur ta lë fajin tek gjyqtari.
Milan tashmë rrezikon që të rrëzohet nga pozita e katërt, në rast se skuadra e Atalantas shënon fitore ndaj Inter.