Ermir Lenjani po kalon një nga momentet më të shkëlqyer të karrierës së tij. Mbrojtësi i kombëtares shqiptare shënoi disa ditë më parë një dopietë që i dha fitoren skuadrës së tij, ndërsa sot ka gjetur përsëri rrjetën në takimin kundër Luzern.
Sapo topi shkelmohet, një nga mbrojtësit e Sion e gjuan në thellësi të zonës kundërshtare, Lenjani e rrëmben dhe shënon direkt. Një gol spektakolar i futbollistit shqiptar, që ndoshta vendos një rekord absolut, goli i Lenjanit realizohet në vetëm 9 sekonda lojë.
Shënimi i golit në vetëm 9 sekonda lojë, e fut Lenjanin në histori, pasi bëhet një nga lojtarët që realizon më shpejtë në një ndeshje. Gjithashut, Lenjani është futbollisti i parë shqiptar që vendos këtë rekord.
