Derbi i skuadrave shqiptare në Maqedoninë Veriore i takoi Shkëndijes nga Tetova, kampion në fuqi dhe lidere në tabelë. Në sfidën që u zhvillua në stadiumin e qytetit në Tetovë, Shkëndija triumfoi me rezultat 2:1 kundër Renovës nga Xhepçishti i Tetovës, në kuadër të javës së 27-të. Shkëndija thellon epërsinë në krye të tabelës, ka 12 më shumë se Vardari i Shkupit.
Për shkëndijën shënuan Egzon Bejtullai (34’) e Marjan Radenski (54’) dhe për Renovën Nehar Sadiki (38’).
Shkëndija udhëheq renditjen me 62 pikë, kurse Renova mban pozitën e katërt me 36 sosh. Skuadra tjetër shqiptare, Shkupi si vendas befasoi për të keq, duke u mundur me 2:1 nga Rabotniçki i Shkupit. Ustabasi (26') e kalon në epërsi Shkupin në minutën e 26-të, por nuk i mjaftoi, sepse në minutat vijues pësuan dy herë dhe u mposhtën. Peev (53') e Ilijoski (65') kanë qenë fatal për shkupjanët. Rabotniçki renditet në pozitën e pestë me 36 pikë, ka tri më shumë se Shkupi i shtati në klasifikim.
Liga e Maqedonisë
Bellasica-Sileksi 1:0
Makedonija GP-Pobeda 3:0
Shkëndija-Renova 2:1
Shkupi-Rabotniçki 1:2
Vardari-Akademia Pandev 1:1
Tabela
1. Shkëndija 27 19 5 3 62
2. Vardari 27 14 8 5 50
3. A. Pandev 26 14 4 8 46
4. Renova 27 9 9 9 36
5. Rabotnicki 27 10 6 11 36
6. Makedonija GP 27 8 10 9 34
7. Shkupi 27 9 6 12 33
8. Sileksi 27 6 10 11 28
9. Bellasica 27 5 8 14 23
10. Pobeda 26 5 4 17 19