Sulmuesi anësori i Atletico Madridit, Thomas Lemar, pranon se nuk kanë pasur përgjigje për Lionel Messin të shtunën në ndeshjen ndaj Barcelonës.
Messi ishte fantastik në fitoren 2-0 të Barcelonës ndaj Atletico Madridit në kuadër të La Ligas.
Ylli francez pranoi se Messi është një lojtar i nivelit tjetër për dallim nga të tjerët.
“Unë kam mendimin e njëjtë si e gjithë bota: ai është një alien (jashtëtokësor), një lojtar i veçantë”, ka thënë fillimisht Lemar.
“Messi mund të fitojë ndeshjen e ekipit të tij i vetëm në çdo kohë”.
“Ai është lojtari më i mirë në botë”, përfundoi anësori francez.
