Vardari e pret Shkëndijën në derbin e javës së 28-të në Ligën e parë të Maqedonisë, që do të luhet të dielën në “Boris Trajkovski” në Maxhari. Trajneri i kuqezinjve nga Shkupi, Aleksandar Vasoski deklaroi se janë të motivuar të japin gjithçka për ta fituar liderin dhe kampionin aktual.
“Është derbi i fundit për këtë sezon, ne dëshirojmë ta shënojmë fitoren e parë dhe mendojmë në atë drejtim. Jemi të motivuar të japim gjithcka nga vetja që të fitojmë në këtë ndeshje. Pres që lojtarët e mi të japin maksimumin dhe shpresoj që kjo do të mjaftojë për fitore”, tha Aleksandar Vasoski, trajner i Vardarit.
Ai i fton dashamirët e futbollit të vijnë në numër të madh dhe t’i japin përkrahje klubit tyre. “Bëhet fjalë për duel i dy skuadrave më të mira për momentin, dhe kjo le të jetë një motiv shtesë që publiku të vijë në numër të madh të dielën”, deklaroi Vasoski.
