Në Liverpool kanë filluar të besojnë se ky është sezoni i duhur për të rikthyer titullin kampion në qytet, pas 28 vitesh mungesë, por për të bërë realitet këtë ëndërr, duhet fillimisht të llogaritin përballjen e sotme.
“The reds” kanë edhe 5 takime për të luajtur deri në fund të sezonit dhe më i rëndësishme është ai i pasdites së sotme në, orën 17:30, në “Anfield Road” përballë Chelseat të Sarrit, që javët e fundit ka rigjetur vazhdimësinë në rezultate.
Liverpooli kryeson renditjen me 82 pikë, por me një ndeshje më shumë sesa Manchester City, që mban vendin e dytë me 80 pikë, ndaj çdo rezultat tjetër përveç fitores ndaj londinezëve, mund të rezultonte fatal për skuadrën e Klopp.
Dy orë më herët, në orën 15:05, do të zbresë në fushë edhe Manchester City, që do të luajë në transfertë me skuadrën tjetër londineze, Crystal Palace.
Skuadra e Guardiolës vjen pas humbjes 1-0 në sfidën e parë çerekfinale të Championsit ndaj Tottenhamit dhe e ka mendjen te sfida e kthimit, parashikuar për të mërkurën, por sot do të kërkojë 3 pikët, për të mos komplikuar misionin titull.
