Masimo Odo merr në mbrojtje Elseid Hysajn. Dhe kur e bën një kampion Bote, kjo do të thotë se ka një arsye.
Ai flet për ndeshjen që zhvilloi Napoli ndaj Arsenalit në Ligën e Europës, ku italianët u mundën me rezultatin 2-0.
“Është shumë e lehtë që të flasësh keq për mbrojtësit, por Hysaj dhe Mario Rui janë mbrojtës mjaft të mirë. Nuk mund t’i fajësosh për një ndeshje ku e gjithë skuadra luajti keq dhe nuk ishte në lartësinë e duhur. Si trajner them që gabon e gjithë skuadra dhe jo vetëm individët”, ka thënë Odo në një intervistë për mediat italiane.
