Futbollisti egjiptian Mohammed Salah duket se nuk është i kënaqur me Liverpulin, sipas mediave spanjolle.
"AS" ka publikuar lajmin për grindjen e Salah dhe menaxherit të klubit Jurgen Klopp, para ndeshjes së mbrëmshme kundër Portos në Ligën e Kampionëve, transmeton KosovaPress.
Salah thuhet se ka shprehur pakënaqësi me statusin e tij në klub dhe i zbuloi Klopp se dëshiron të largohet nga ekipi gjatë afatit kalimtar të verës, dhe "AS" ka mësuar se bëhet fjalë për Real Madridin.
Ishte shumë e vështirë për shumë njerëz që të besonin në thashetheme të tilla, dhe spekulimet për pakënaqësinë e Salahut u ndërprenë nga agjenti i tij Rami Abas.
Ai shkroi në Twitter se portali spanjoll po merret me informacione të pasakta.
Salah vitin e kaluar ka nënshkruar një kontratë të re pesëvjeçare me Liverpulin.