Zhoao Kanselo papritur ka përfunduar në shënjestër të medias italiane edhe pse dje ka ardhur vetë reagimi i futbollistit se gjithçka ka qenë një lajm i rremë.
Gjithsesi, ngjarja për të cilën po akuzohet mbrojtësi portugez i Juventusit është se në të gdhirë të postndeshjes me Ajaksin, në një status të tifozëve të ndryshëm bardhezinj, në të cilën nënvizohej “Juve, skuadër m… Si ka mundësi që trajneri dhe disa lojtarë me përjashtim të Ronaldos të jenë kaq idiotë”, duket se Kanselo i ka dhënë “like” duke tërbuar jo pak tifozë bardhezinj që e mendonin ndryshe.
Por, duke qenë se media nuk ka ngurruar të raportojë këtë lajm, vetë lojtari ka reaguar në adresat e tij: “Është një lajm i rremë. Ai ‘like’ nuk ka ardhur nga adresa ime”.
