Barcelona ka shprehur interesim për sulmuesin e Evertonit, brazilianin Richarlison, ka bërë të ditur të premten e përditshmja spanjolle "Mundo Deportivo".
Richarlison pëlqehet shumë nga drejtuesit e Barcelonës, të cilët e shohin si pasardhës të Luis Suarezit.
Ekipi spanjoll është i gatshëm të ofrojë rreth 50 milionë euro për transferimin e tij gjatë verës.
Richarlison ka kontratë me Evertonin deri më 2023, kurse këtë edicion ka treguar paraqitje të mira. 21-vjeçari ka shënuar 13 gola në 35 paraqitje në të gjitha garat.
Ai ka edhe tetë paraqitje me Përfaqësuesen e Brazilit. Karrierë ka bërë edhe te Watfordi, Fluminense e America-MG.