Fati sportiv ia ktheu shpinën ekipit të Sandhausenit të mbrojtësit të kombëtares së Kosovës, Leart Paçarada. Sandhausen i pafat, nga epërsia 0:2 u desh të kënaqej me barazimin si mysafirë 2:2 me Duisburgun, në ndeshjen e javës së 30-të të Bundesliga II.
Futbollisti shqiptar u angazhua me vetëmohim të pashoq, i dha siguri të madhe mbrojtjes së Sandhausenit, por fatkeqësisht u lëndua në minutën e 73-të. Ai lëndoi këmbën e majtë dhe u zëvendësua nga Muller.
Për Sandhausenin shënuan Wooten (28’ e 62’-nga penalltia) dhe për Duisburgun realizuan: Nielsen (71’) e Wolze (88’). Sandhausen është në vend të 15-të me 31 pikë, kurse Duisburg i fundit me 24 sosh.
