23 Prilli është Dita e Shën Xhorxhit dhe është festë e madhe në Katalonjë, ku festohet pasioni për letërsi dhe si rrjedhojë një universitet ka vendosur ta organizojë një garë në lidhje me Lionel Messin.
Universiteti Ndërkombëtar i Katalonjës (UIC) me nismën e gazetarit Miguel Angel Violan, organizoi garën për tri mënyrat më të mira sesi ta përshkruajë superyllin e Barcelonës, Lonel Messin.
“E pashë këtë si një mënyrë të bukur për të lidhur diçka akademike me diçka të njohur si një futbollist i cili për shumë njerëz është më i mirë i të gjitha kohëve”, tha Violan.
“Disa persona mund të mendojnë se nuk ka mbiemra për ta përshkruar atë, prandaj me këtë garë deshëm ta shihnim sesa e vërtetë është kjo”, shtoi ai.
Këto janë tri mënyrat për ta përshkruar Messin, të cilat u futen në listën e ngushtë:
“Re-gol-ucionario”, një interpretim për fjalën “revolucionar”.
Fjala tjetër ishte “inadjetivable” apo në shqip diçka si “i papërshkrueshëm”.
Dhe mënyra e tretë, ishte termi “General de Gol”, që nënkupton Gjeneral i Golave.
