Tirana duhet të grumbullojë 46 pikë që skuadra të qëndrojë matematikisht në Kategorinë Superiore, pa menduar se çfarë bëjnë ekipet e tjera në kampionat. Gjithsesi, edhe kjo shifër ka një specifikë, sepse Tirana medoemos duhet të mundë në ndeshjen direkte Kastriotin, i cili është pesë pikë larg bardhebluve dhe këtë javë luan me Kamzën.
Nga ana tjetër, Tirana nuk duhet të gabojë me Luftëtarin, Laçin dhe Partizanin, pasi të tria janë sfida shumë delikate deri në fund të sezonit.