Kombëtarja e Malit të Zi është dënuar me një ndeshje pa praninë e tifozëve, për shkak të thirrjeve raciste në ndeshjen me Anglinë, ka bërë të ditur Komisioni Disiplinor i UEFA-s, shkruajnë mediet malazeze.
Mali i Zi do të luajë pa praninë e tifozëve në ndeshjen me Kosovën më 7 qershor në kuadër të kualifikimeve për Kampionatin Evropian – Euro 2020.
“Për shkak të thirrjeve raciste të tifozëve ekipi ynë kombëtar ndeshjen e ardhshme do ta luajë me tribuna të zbrazëta në stadiumin e qytetit në Podgoricë”, thuhet në kumtesën e Federatës së Futbollit të Malit të Zi.