Sheffield United i bashkohet Norwich, duke u bërë skuadra e dytë që siguron ngjitjen në Premier League për sezonin e ardhshëm.
Ka qenë Leeds që u ndal në barazim 1-1 në sfidën me Aston Villa në javën e parafundit të Championship-it në Angli dhe i dha shansin ta sigurojë matematikisht ngjitjen Shiefflied-it, që ndodhet në vend të dytë me 88 pikë dhe një ndeshje ndaj Stoke në transfertë për të zhvilluar.
Ndërkohë beteja për zonën “play-off” është tepër e nxehtë në Championship, teksa Leeds, West brom dhe Aston Villa e kanë siguruar këtë fazë, ndërsa Derby dhe Middlesbrough me nga 70 pikë luftojnë për një vend në këtë fazë.
