Zbulohet shuma e parave që FFK-ja ndan çdo muaj si pension për gruan e Fadil Vokrrit

Futboll

Zbulohet shuma e parave që FFK-ja ndan çdo muaj si pension për gruan e Fadil Vokrrit

Më: 29 prill 2019 Në ora: 16:47
Familja e Fadil Vokrrit

Që prej vdekjes së legjendës Fadil Vokrri, Federata e Futbollit të Kosovës ka vendosur që 70% të pagës që ka marrë Vokrri t’i dhurohet bashkëshortës së tij, Editës.

Sipas burimeve, ka 10 muaj që ajo merr si pension nga 2,100 euro në muaj nga buxheti i FFK-së.

Në Kuvendin e Punës që u mbajt në mars, presidenti i Trepçës 89 Abedin Zeka kishte propozuar para delegatëve që deri sa të jetë gjallë bashkëshortja e Fadilit të marrë pension nga FFK-ja dhe kjo kërkesë ishte miratuar.

Ndërsa në fund të vitit 2018, Qeveria e Kosovës, pas propozimit të Ministrit të Kulturës, Rinisë dhe Sportit, Kujtim Gashi, kishte miratuar vendimin për njohjen e statutit të ‘Qytetarit me Merita të Veçanta’ për legjendën e futbollit të Kosovës, Fadil Vokrri, për kontributin dhe promovimin e sportit.

Në bazë të propozimit të bërë, në baza mujore familjes së tij do t’i ndahen mjete financiare në vlerë prej një mije euro” kishte deklaruar ministri Gashi.

commentFirst article
Sot mund të lexoni Shfletoni kopertinat