Trajneri i Tottenham, Mauricio Pochettino, është deklaruar pas humbjes që skuadra e tij e ka pësuar nga Ajax në gjysmëfinale të Ligës së Kampionëve.
Ajax ka arritur të mposht Tottenhamin 1:0 në udhëtim në ndeshjen e parë gjysmëfinale, për të bërë një hap të rëndësishëm drejt finales.
Pochettino duke folur pas ndeshjes, ka thënë se skuadra e tij nuk e nisi mirë sfidën, gjë e cila edhe iu kushtoi me pranimin e golit.
“Mendoj se nuk e kemi filluar pjesën e parë në mënyrën më të mirë”, ka deklaruar Pochettino.
“Ata treguan energji më shumë se ne, mendoj se ishte mungesa e jonë e energjisë nga qasja që e bënte ndeshjen më të vështirë”.
“Ne filluam të luanim më mirë teksa loja vazhdonte, luanim në mënyrën se si dëshironim të luanim nga fillimi”.
