Nëse shkurtin e kaluar ishte Wanda Nara, që u bë pjesë e thashethemeve për tradhti ndaj Mauro Icardit, partnerit të saj, se kishte shkuar me kroatin e Interit, Marcelo Brozovic, tani është sulmuesi argjentinas, ai që dyshohet se ia ka dredhur gruas. Dhe me kë mund ta ketë bërë këtë, a ju shkon në mendje? Me siguri jo, po të mos e ketë pohuar vetë personazhi misterioz, që shtë një transeksual i ri italian, Guendalina Rodriguez.
Rodriguez bëri famë në vendin e tij, duke marrë pjesë në një “reality show” televiziv, por ka plasur një skandal të ri, duke postuar një mesazh në llogarinë e tij në Twitter. Në të, përveçse siguron se ka pasur marrëdhënie seksuale me Icardin, thotë se është kërcënuar nga Wanda Nara.
"Kjo është dhoma e hotelit, ku një natë e kalova me Mauro Icardin. Së shpejti, unë do ta them të vërtetën me foto. Më vjen keq që do ta marrë vesh gruaja dhe fëmijët e tij. Cili është problemi? Kam pasur marrëdhënie seksuale me Mauro Icardi. Unë nuk do të jem i pari as transeksuali i fundit", - shkroi ai në “twett” e parë.
Pak më vonë, Rodriguez u rishfaq në Twitter për të shpjeguar se kishte marrë kërcënime nga Wanda Nara: "Djema, unë kam qenë në shtrat me Mauro Icardi. Dhe së shpejti do ta them gjithë të vërtetën përmes fotosh. Sapo e paralajmërova këtë, u kërcënova nga zonja Wanda Nara $ Inter".
