Superparaqitja e Milot Rashicës i ndihmoi Werder Bremenit ta ndalë Borussia Dortmundit, në ndeshjen që përfundoi me rezultat 2:2, në kuadër të xhiros së 32-të të Bundesligës. Këto dy pikë të humbura i ulin gjasat që Dortmundi të shpallet kampion i Gjermanisë.
Dy pikët e humbura në përballjen kundër Bremenit bënë që Dortmundi të mbetet katër pikë prapa Bayern Munichut, me vetëm dy xhiro të mbetura deri në fund të sezonit.
Pjesa e parë shkoi në mënyrë të përsosur për Dortmundin, që arriti të kalojë në epërsi 2:0, përkundër që ishte mysafir. Golin e parë e shënoi Christian Pulisic qysh në minutën e gjashtë.
Katër minuta para fundit të pjesës së parë, Paco Alcacer i la të gjithë të mahnitur me një supergoditje nga gjuajtja e lirë, duke e kaluar skuadrën e tij në epërsi prej dy golash.
Megjithatë, pjesa e dytë rrjedhin në mënyrë plotësisht të ndryshme. Milot Rashica e asistoi golin e parë të skuadrës së tij në minutën e 70-të, të shënuar nga Kevin Mohwaldi.
Vetëm pesë minuta më vonë, në minutën e 75-të, Claudio Pizarro e barazoi rezultatin në këtë ndeshje. Këtë herë, golin e asistoi Ludwig Augunstisson.
Edhe pse Rashica e asistoi vetëm njërin gol dhe nuk arriti të shënojë, SofaScore e vlerësoi atë me notën më të lartë nga të gjithë lojtarët në këtë ndeshje. Kosovari u vlerësua me notë 8.5, ndërsa pas tij mbeti Christian Pulisici i Dortmundit, me notë 7.9.
