Llapi nga Podujeva vazhdon luftën për titullin e kampionit me fitoren si vendas me rezultat 4:1 kundër Trepçës ’89, në ndeshjen që u zhvillua në stadiumin “Zahir Pajaziti”. Ndeshje mjaft e mirë dhe tre pikë të mëdha për llapjanët, të cilën janë në pozitën e tretë me 69 pikë sa ka edhe Prishtina në pozitën e dytë dhe Feronikeli kryeson me 71 sosh. Në minutën e 17-të, Lasine Traore kalon në epërsi mitrovicasit, por llapjanët shpejt u kthyen në rezultat. Në minutën e 21-të, Ahmed Januzi barazoi shifrat, kurse në fund të pjesës së parë Behar Maliqi realizon me kokë pas një harkimi fantastik të Mentor Zhdrellës dhe për 2:1. Januzi shënon dy gola në fund, në atë të 89-tën dhe 90+3 nga penalltia për fitoren 4:1. Ferizaj shënon fitore të madhe me rezultat 3:1 kundër Lirisë nga Prizrenit, kjo e fundit është përshëndetur nga elita.
Për Ferizajn shënuan: Ermal Krasniqi (45'), Dardan Çerkini (76') e Dren Gashi (90’) dhe për Lirinë realizoi Diellor Beseni (21').
Ferizaj regjistroi fitoren e katërt rresht. Nga minuta e 80-të, Liria me një lojtar me pak pasi që Thaçi u përjashtua nga loja. Ferizaj është në vend të tetë me 37 pikë, kurse Liria e 11-ta me 25 sosh. Ballkani nga Theranda kthehet me tri pikë, duke fituar me 3:0 ndaj KEK-ut nga Kastrioti. Jetmir Topalli (24' e 41') dhe Aldin Azhoviq (38').
Ballkani është në pozitën e nëntë me 39 pikë e KEK-u i fundit me 1 pikë. Gjilani tronditet si vendas, duke u mundur me 1:0 nga Flamurtari i Prishtinës. Futbollisti Shend Kelmendi realizoi për fitoren e madhe me golin e realizuar në minutën e 62-të. Flamurtari ngjitet i shtati me 38 pikë, kurse Gjilani bie i dhjeti me 35 sosh.
IPKO Superliga, java e 30-të
Drenica-Feronikeli 0:1
Drita-Prishtina 1:1
Llapi-Trepça ’89 4:1
Gjilani-Flamurtari 0:1
Ferizaj-Liria 3:1
KEK-u-Ballkani 0:3
Tabela
1. Feronikeli 30 22 5 3 71
2. Prishtina 30 21 6 3 69
3. Llapi 30 22 3 5 69
4. Drita 30 14 6 10 48
5. Trepça ‘89 30 10 9 11 39
6. Drenica 30 10 8 12 38
7. Flamurtari 30 10 8 12 38
8. Ferizaj 30 11 4 15 37
9. Ballkani 30 10 6 14 36
10. Gjilani 30 9 8 13 35
11. Liria 30 7 4 19 25
12. KEK-U 30 0 1 29 1
