Liverpool është prekur nga një “epidemi” dëmtimesh në prag ndeshjen me Barcelonën për gjysmëfinalen e Champions League.
Pasi u raportua nga Jurgen Klopp se Roberto Firmino dhe Mohamed Salah nuk do të jenë të gatshëm për sfidën e kthimit ndaj katalanasve, një tjetër lajm i rëndë vjen për “Reds”.
Virgil van Dijk nuk është stërvitur me ekipin në seancën e fundit të së hënës, duke ngritur dyshime se edhe qendërmbrojtësi mund të mungojë në këtë ndeshje.
Në stërvitjen e fundit para ndeshjes ka munguar edhe Oxlade-Chamberlain e Adam Lallana, por deri tani klubi anglez nuk ka konfirmuar asgjë në lidhje me gjendjen e lojtarëve që munguan në seancë stërvitore.
Mungesa e Salah është kthyer në një shans për Xherdan Shaqirin, që sipas raportimeve të fundit nga kampi i Liverpool do të jetë ai që do të udhëheqë sulmin në krahun e majtë. Për Shaqirin do të jetë një mundësi e artë për të treguar veten, edhe pse përballë do të ketë një kundërshtar tepër të vështirë dhe rezultati nuk është aspak favorit për ta.