Lucas Paqueta është pezulluar me tri ndeshje për shkak të kartonit të tij të kuq në ndeshjen e së hënës mbrëma kundër Bolognës dhe si rrjedhojë për të ka përfunduar sezoni.
Paqueta ishte ndëshkuar me karton të verdhë për një ndërhyrje të rrezikshme ndaj kundërshtarit në fitoren e Milanit 2:1 në Serie A, por ai më pas u përjashtua direkt me të kuq për shkak se e goditi në dorë gjyqtarin Marco Di Bello.
Me kaq merr fund sezoni për mesfushorin brazilian, sepse deri në përfundim të Serie A kanë mbetur vetëm edhe tri ndeshje.
Ai nuk do të jetë në gjendje t’i ndihmojë Milanit në përpjekje për t’u kualifikuar në Ligën e Kampionëve sezonin e ardhshëm.
Kuqezinjtë renditen në vendin e pestë me 59 pikë, tri më pak se Atalanta në vendin e katërt dhe katër më pak se Interi në vendin e tretë.