Askush nuk ka pritur se Ferizaj do të kthehet me pikë të plota nga stadiumi “Riza Lushta” në Mitrovicë, duke e mundur me rezultat 2:1 Trepçën ’89, në ndeshjen e javës së 31-të të elitës së futbollit. Mitrovicasit luftuan deri në pikën e fundit por nuk arritën që të marrin një pikë, kësisoj rrezikohen shumë që të bien në zonën e barazhit, kurse Ferizaj ngjitet në pozitën e pestë me 40 pikë, duke befasuar të gjithë dashamirët e lojës më të popullarizuar në botë.
Në minutën e 53-të, futbollisti i Ferizajt Qëndrim Dautaj asiston për Dardan Çerkinin, i cili me gjuajtje të saktë nga 14-15 metra kalon në epërsi ferizajasit, 0:1. Në minutën e 72-të, Ermal Krasniqi shton epërsinë e ferizajasve me rezultat 0:2. Ai me vetëmohim të pashoq me një gjuajtje të saktë e mposhti portierin mitrovicas Beqiri, 0:2.
Arb Manaj ngushton humbjen e mitrovicasve kur shënon në minutën e 82-të. Ferizajasit regjistruan fitoren e pestë rresht! Ferizaj renditet në vend të pestë me 40 pikë, kurse Trepça ’89 bie në pozitën e tetë me 39 sosh.
Superliga e Kosovës
Trepça ’89-Ferizaj 1:2
Flamurtari-Drenica 0:0
Ballkani-Gjilani 1:0
E shtunë
Feronikeli-Drita 16.00
Prishtina-Llapi 16.00
Liria-KEK-u 16.00
Tabela
1. Feronikeli 30 22 5 3 71
2. Llapi 30 22 3 5 69
3. Prishtina 30 21 6 3 69
4. Drita 30 14 6 10 48
5. Ferizaj 31 12 4 15 40
6. Drenica 31 10 9 12 39
7. Ballkani 31 11 6 14 39
8. Trepça ‘89 31 10 9 12 39
9. Flamurtari 31 10 9 12 39
10. Gjilani 31 9 8 14 35
11. Liria 30 7 4 19 25
12. KEK-U 30 0 1 29 1
