Shkëndija nga Tetova, kampion i ri në Maqedoninë Veriore, nuk e kursyen Pobedën e Prilepit, duke i dhënë leksion në Koçan me rezultat 4:1, në ndeshjen e javës së 34-të. Kuqezinjtë treguan lojë shumë të mirë dhe e mbushën rrjetën e rivalit. Mbrojtësi i kombëtares U-21 të Kosovës, Leard Sadriu, u paraqit standard, tregoi paraqitje shumë të mirë në fitoren e thellë të kampionit. Shefit Shefiti shënon dy gola në minutën e 12-të dhe të 40-tën, ndërsa nga një Arbin Zejnullai (10’) e Jakup Berisha (57’), ndërsa për vendasit Efremov realizon në minutën e 17-të. Shkëndija udhëheq bindshëm me 76 pikë, kurse Pobeda është në fund me 23 sosh. Renova nga Xhepçishti si vendas barazon me rezultat 1:1 me Akademija Pandev. Emran Ramadani shënon në minutën e 40-të për Renovën dhe Daniel Millovanoviq (11') për mysafirët. Shkupi befasoi si vendas me rezultat 2:2 me Bellasicën e Strumicës. Ustabasi (7') e Bajrami (47') konkretizuan për Shkupin dhe Maslac (35') e Gorgiev (60') për Bellasicën. Shkupi është në vend të katërt me 44 pikë, ka një më shumë se Renova një pozitë më poshtë.
Liga e Maqedonisë Veriore
Pobeda-Shkëndija 1:4
Rabotniçki-Makedonija 2:0
Renova-A. Pandev 1:1
Shkupi-Bellasica 2:2
Sileksi-Vardari 1:0
Tabela
1. Shkëndija 34 23 7 4 76
2. Vardari 34 16 12 6 60
3. A. Pandev 34 17 6 11 57
4. Shkupi 34 12 8 14 44
5. Renova 34 11 10 13 43
6. Rabotniçki 34 12 7 15 43
7. Makedonija GP 34 10 11 13 41
8. Sileksi 34 10 11 13 41
9. Bellasica 34 9 11 14 38
10. Pobeda 34 6 5 23 23