Skuadra e Milanit po mundohet me të gjithë forcën që të arrijë të zë një vend në Ligën e Kampionëve.
Milan aktualisht ndodhet në pozitën e pestë, me tre pikë më pak se Atalanta e vendit të katërt.
‘Pengesa’ e radhës për Milanin është Frosinone. Skuadra e Milanit do të përballet me Frosinonen të dielën e ardhshme – me ç’rast do të kërkojë tre pikët e radhës në Serie A.
Tifozët e Milanit me padurim po presin ndeshjen e ardhshme dhe tashmë kanë filluar të blejnë biletat, një javë para ballafaqimit.
Kjo gjithashtu do të jetë ndeshja e fundit e Milanit në San Siro për këtë edicion dhe sipas mediave italiane deri më tani janë shitur 50 mijë bileta.
Me shumë mundësi stadiumi ‘San Siro’ do të jetë i stërmbushur kur këto skuadra do të ballafaqohen.