Kohfeldt: Rashica kishte vjellë para ndeshjes  - Bota Sot
Kohfeldt: Rashica kishte vjellë para ndeshjes 

Futboll

Kohfeldt: Rashica kishte vjellë para ndeshjes 

Më: 15 maj 2019 Në ora: 17:25
Kohfeldt: Rashica kishte vjellë para ndeshjes 

Reprezentuesi i Kosovës dhe futbollisti i Werder Bremenit, Milot Rashica, u detyrua të largohet nga fusha e lojës në minutën e 61-të të ndeshjes së fundit kundër Hoffenheimit. Kjo pasi futbollisti nga Vushtrria nuk po ndjehej mirë. Rashica ishte startues në këtë ndeshje dhe asistues në golin e vetëm të skuadrës së tij.

Në minutën e 61-të, Rashica u zëvendësua nga Claudio Pizarro, pasi mori trajtim mjekësor në fushë. Pas ndeshjes, edhe trajneri Florian Kohfeldt e kishte zbuluar gjendjen e Rashicës. “Miloti kishte vjellë para ndeshjes në zhveshtore, ai duket se kishte ngrënë diçka të gabuar. E megjithatë ai ka luajtur rreth 60 minuta dhe ka vënë veten në shërbim të ekipit”, kishte thënë trajneri gjerman.

Në paraditën e sotme, Werder Bremeni ka njoftuar për të rejat e fundit nga seanca e sotme stërvitore.Në mes të tjerash, klubi gjerman ka bërë të ditur se Rashica i është kthyer stërvitjeve.“Stërvitja është e hapur.

Ne na janë bashkuar Milot Rashica dhe Martin Harnik. Ndërsa mungojnë Max Kruse, Theo, Fin dhe Philipp”, shkruan Werder Bremen në ‘Twitter’. Ndryshe, Werder Bremeni është duke e kërkuar zonën evropiane, teksa gjendet dy pikë larg vendit të shtatë, kur ka mbetur edhe një xhiro deri në përfundim të edicionit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...